अंबिकापुर: पीएम जनमन योजना ले पक्‍की घर के सपना होवत हे पूरा

अंबिकापुर, 01 फरवरी 2024। प्रधानमंत्री श्री नरेन्द्र मोदी के सियानी म शुरू होए प्रधानमंत्री जनमन योजना विशेष पिछड़ा जनजाति मन बर वरदान बनके उभरे हे। योजना के तहत विशेष पिछड़ा जनजाति वर्ग के मनखे मन ल शासन के जनकल्याणकारी योजना जइसे- प्रधानमंत्री आवास, आयुष्मान भारत, नलजल, शिक्षा, बिजली, कृषि, सड़क, आधार पंजीयन आदि म सामिल करके विकास के मुख्य धारा ले जोड़े जात हे। योजना म प्रधानमंत्री श्री मोदी के पहल म विशेष पिछड़ा जनजाति मन के आवासहीन परिवार ल खुद के पक्का मकान मिलत हे।
कलेक्टर श्री विलास भोस्कर के मार्गदर्शन म जिला के विशेष पिछड़ा जनजाति पहाड़ी कोरवा के 1603 परिवार ल घलोक घर के स्वीकृति प्रदान करे गए हे। जिला के कुल 174 पीवीटीजी बसाहट के कुल 2429 परिवार के सर्वे पूरा कर ले गए हे अउ 2103 के पंजीयन करे गए हे।
जानबा हे के प्रधानमंत्री श्री मोदी ह बीते 15 जनवरी के विशेष पिछड़ा जनजाति वर्ग के मनखे मन ल प्रधानमंत्री आवास योजना ले लाभान्वित करे खातिर पहिली किश्त के राशि 40 हजार रूपीया ऊंखर खाता म ऑनलाईन हस्तांतरित करे रहिन। जेमां जिला के कुल 1393 परिवार ल पहिली क़िस्त के रूप म कुल 5.57 करोड़ के राशि ऑनलाइन हस्तांतरित करे गए हे।