प्रधानमंत्री सुरुज घर योजना ले घर-घर पहुँचिस ग्रीन एनर्जी

सरगांव के रंजीत मंडल बनिस सौर ऊर्जा ले आत्मनिर्भर,  चार महिना ले बिजली बिल शून्य
अम्बिकापुर, स्वच्छ ऊर्जा ल प्रोत्साहन अऊ आम नागरिक मन ल सस्ता अउ सुलभ बिजली उपलब्ध कराए के उद्देश्य ले भारत सरकार के प्रधानमंत्री सुरुज घर मुफ्त बिजली योजना छत्तीसगढ़ म घलोक मनखे मन बर लाभकारी सिद्ध होवत हे। सरगुजा जिला के अम्बिकापुर विकासखंड के ग्राम सरगांव रहवइया रंजीत मंडल ए योजना के प्रेरक उदाहरण हे।
रंजीत मंडल ह बताइस के पहिली ऊंखर घर के मासिक बिजली बिल लगभग 2500 रूपिया आवत रहिस। मार्च 2025 म वो ह योजना के तहत अपन घर के छत म 5 किलोवाट क्षमता के सोलर पैनल सिसटम लगाइस। एखर बर ओ ल केंद्र सरकार ले 78,000 रूपिया अऊ राज्य सरकार ले 30,000 रूपिया कुल 1,08,000 रूपिया के सब्सिडी मिलीस। एकर से पाछू चार महीना ले ओखर बिजली बिल पूरा शून्य हो गए हे।

अकतहा बिजली ले होही आमदनी
रंजीत मंडल के सोलर सिसटम ले उत्पन्न अकतहा बिजली ग्रिड म भेजे जाही, जेखर बलदा ओ ल प्रति यूनिट भुगतान मिलही। ये व्यवस्था ह घरेलू खरचा म बचत कही, संगेच अकतहा आय के घलोक साधन बनही। ग्रामीण परिवार मन बर ये योजना आर्थिक बदलाव के माध्यम बनत हे। योजना के तहत 3 किलोवाट तक के सोलर प्लांट म 60 प्रतिशत अऊ 3 ले 10 किलोवाट तक के प्लांट म 40 प्रतिशत के केंद्र कोति ले सब्सिडी देहे जात हे। एखर संगेच राज्य सरकार घलोक विशेष वित्तीय सहायता देवत हे, जेखर से सोलर पैनल के लागत म भारी कमी आत हे अऊ आम नागरिक एला आसानी ले स्थापित कर पात हें।