अम्बिकापुर, 22 अक्टूबर 2020। मेहनतकश हाथ ल शासन के योजना मन के संबल मिले ले जीवन के रद्दा आसान हो जाथे। मनरेगा ले कुंआ निर्माण अऊ क्रेडा ले सोलर पंप के दूहरा लाभ मिले ले वर्षा जल ले निर्भरता कम होथे अऊ दू फसली खेती होथे एकर सहारे अब सोनसाय ह प्रगतिशील किसान बन गए हे।
जनपद पंचायत उदयपुर ले करीबन 40 किलोमीटर दूरिहा पहाड़ी ले घिरे ग्राम पंचायत बकोई निवासी सोन साय अपन पुश्तैनी जमीन म वर्षा जल के सहारे धान के खेती करके जीवन यापन करत रहिस। सोनसाय ह अपन खेत म कुंवा खेदवाए बर पउरसाल आवेदन करे रहिस जेखर फलस्वरूप ओला मनरेगा ले 2 लाख 3 हजार के लागत ले कूप निर्माण कराए गए रहिस। कूप निर्माण ले सोन साय ल पेयजल, सिंचाई के साधन अऊ रोजमर्रा के जरूरत पूरा होइस जऊन 1 साल म बनके तियार हो गीस। अब पेयजल बर ओ ल बाहिर नइ जाना परय। खेत अऊ बाड़ी म सिंचाई बर ओ ल क्रेड़ा ले सब्सिडी म सोलर पंप के सुविधा मिल गए हे। एखर से श्री सोन साय अब धान के संग सब्जी के खेती घलोक करत हे। शासन के दूहरी जनकल्याणकारी योजना के लाभ पाके सोनसाय ह मुख्यमंत्री श्री भूपेश बघेल ल धन्यवाद देहे हे।
जानबा हे के ग्राम पंचायत बकोई दुर्गम पहाड़ी क्षेत्र म स्थित होए के सेती उहां पानी के किल्लत हे। गर्मी के बेरा म हैंडपम्प, तालाब आदि के पानी कम हो जाथे। सिंचाई के कोनो साधन नइ होए ले धान के फसल बने नइ होवय। पानी बर वर्षा उपर निर्भर रहना परत रहिस। मनरेगा ह मनखे मन ल वोखर गांव म रोजगार उपलब्ध कराके ओ मन ल आर्थिक रूप ले मजबूती तको प्रदान करत हे। एखर संगेच हितग्राही मूलक परिसंपत्ति मन के निर्माण करके मनखे मन ल आजीविका के अवसर तको प्रदान करत हे।
