खाद्य मंत्री श्री भगत ह बतौली अऊ मंगरेलगढ़ी मार्ग म निर्माणाधीन पुल-पुलिया अऊ सड़क के करिन निरीक्षण

अंबिकापुर, 2 जून 2021। खाद्य, नागरिक आपूर्ति अऊ उपभोक्ता संरक्षण मंत्री श्री अमरजीत सिंह भगत आज सीतापुर दउरा के बेरा म अंबिकापुर ले मंगरेलगढ़ी अऊ बतौली मार्ग म निर्माणाधीन सड़क, पुल-पुलिया के निरीक्षण करिन। उमन कहिन के बारिश के मौसम ल ध्यान म रखत लउहे गुणवत्तापूर्वक सड़क अऊ पुल-पुलिया के निर्माण पूरा करे जाए। जेखर से क्षेत्रीय जनता ल सुगम आवागमन के सुविधा मिल सकय। श्री भगत ह बरगवां चौक म स्थित जीर्ण-शीर्ण यात्री प्रतिक्षालय के मरम्मत करे बर अधिकारी मन ल निर्देशित करिन, ताकि मनखे मन ल बारिश के मौसम म यात्री प्रतिक्षालय के सुविधा मिल सकय। उमन नवानगर, कर्रा, पौड़ीकला, अड़ची, कालीपुर, चिरगा, बतौली म सड़क-पुलिया निर्माण काम के निरीक्षण करिन।