रायपुर, 26 नवम्बर 2020। बस्तर के कोदों, कुटकी, रागी, महुआ, काजू, अमली आदि ले महिला स्व-सहायता समूह मन स्वादिष्ट अऊ स्वास्थवर्धक खाद्य सामाग्री बनावत हें। बस्तर के अनाज ले बने ए जिनिस मन ल जिहां कुकीज के रूप एक नवा पहिचान मिले हे, उहें ए समान मन के बाजार म घलोक भारी मांग हे। दरअसल बात ये हे के छत्तीसगढ़ सरकार प्रदेश के किसान मन के उत्पाद मन ल राष्ट्रीय अऊ अंतर्राष्ट्रीय स्तर म पहिचान देवाए के संगें-संग बढि़या बाजार उपलब्ध कराए बर ब्रांडिग नेम के रूप म घलोक तियार करे के पहल करत हे। एखर से किसान मन ल अड़बड़ लाभ घलोक होवत हे। इही कड़ी म बस्तर जिला के जगदलपुर जिला मुख्यालय के तीर के गांव कुदाल के जय मां काली स्व-सहायता समूह कोति ले संचालित आमचो बस्तर बेकरी म रागी, कोदो, कुटकी, महुआ, काजू, अमली आदि ले कुकीज अऊ आन उत्पाद मन के निर्माण महिला मन ह करत हें।
आमचो बस्तर बेकरी के नाम ले प्रसिद्ध ये कुकीज अऊ आन उत्पाद मन के खासियत ये हे के महिला मन बाजार म उपलब्ध कुकीज ले हटके बस्तर के रागी, कोदो, कुटकी, महुआ, काजू, अमली आदि ले बने कुकीज के घलोक निर्माण करे जात हे, जऊन ह स्वादिष्ट होए के संगें-संग स्वास्थवर्धक अउ पोषक तत्व ले भरपूर हे।
आमचो बस्तर बेकरी के समान मन के भारी मांग
