रायपुर, मुख्यमंत्री श्री भूपेश बघेल ले आज इहां ऊंखर निवास म अमेरिका के एम्बेसडर श्री केनेथ जस्टर ह सौजन्य मुलाकात करिस। मुख्यमंत्री ह चर्चा के समय कहिन कि बायोफ्यूल के निर्माण म अमेरिका ल विशेषज्ञता हासिल हे। छत्तीसगढ़ म धान के पैदावार बहुतायत म होथे। राज्य सरकार धान ले एथेनॉल के उत्पादन के सम्भावना तलाशत हे।
अमेरिका के एम्बेसडर श्री केनेथ जस्टर ह बताइस के कई अमेरिकन कंपनी मन बायो फ्यूल क्षेत्र म काम करत हें। ए कंपनी मन ल ओ ह सूचित करहीं। श्री बघेल ह कहिन कि गन्ना के घलोक इहां अच्छा पैदावार होथे। एखर से घलोक बायोफ्यूल बनाए जा सकत हे।
मुख्यमंत्री ह श्री जस्टर ल बताइस कि छतीसगढ़ म आई. टी. के क्षेत्र म घलोक अमेरिकन कंपनी मन बर अच्छा संभावना हे। ये बेरा म मुख्य सचिव श्री सुनील कुजूर, मुख्यमंत्री के प्रमुख सचिव श्री गौरव द्विवेदी, मुख्यमंत्री के सलाहकार श्री विनोद वर्मा अऊ अमेरिका के कॉन्सुलेट जनरल सुश्री जेनिफर लार्सन उपस्थित रहिन।
