कांकेर : सोमवार 22.4.2024 छत्तीसगढ़ के कांकेर म केन्द्रीय गृह अउ सहकारिता मंत्री अमित शाह हँ सोमवार के चुनई रैली ल संबोधित करीन। ये बेरा म वोमन बड़का कांग्रेस नेता अउ पूर्व प्रधानमंत्री डॉ. मनमोहन सिंह के ‘देष के संसाधनमन ऊपर मुसलमान मन के अव्वल अधिकार’ वाले बयान के जिकर करत पार्टी ल जमके गुफेल मारिस। उन कहिन कि वोमन कहिथे कि संसाधन म अधिकार अल्पसंख्यकमन के हावय, फेर हम कहिथन संसाधन म अव्वल अधिकार देष के गरीब, आदिवासी, दलित अउ पिछड़ा मन के हावयं।
राजस्थान म प्रधानमंत्री नरेन्द्र मोदी ह पूर्व प्रधानमंत्री डॉ. मनमोहन सिंह के बयान के जिक्र करत कहिन कि कहूँ कांग्रेस केन्द्र के सत्ता म आथे त वोह लोगन के संपत्ति लेके मुसलमान मन ल बाट देही। अब इही बयान ल लेके कांग्रेस अउ भाजपा के बीच राजनीतिक पटकी पटका होगे हावय। इही बात ल उठावत कांकेर म अमित शाह ह जनसभा ल संबोधित करत कहिन कि अभीन अभी कांग्रेस पार्टी मिर्ची लगे हावय, काबर कि पीएम मोदी हँ घोषणापत्र म उन्कर संपत्ति के सर्वे के गोठ करे हावय। कांग्रेस पार्टी सवाल पूछत हावय कि काबर करना हे सर्वे ?
मैं पार्टी ले पूछथौं कि तुंहर घोषणापत्र म सर्वे के बात हावय कि नहीं ? राहुल गांधी देष ल स्पष्ट बतावय कि तुंहर प्रधानमंत्री केहे रिहिसे कि संसाधन म अव्वल अधिकार अल्पसंख्यक मन के हवय, आदिवासी, दलित मन के नहीं।
गृहमंत्री अमित शाह राम मंदिर के जिकर करत कांग्रेस ल जऊँहरहा गफियाइस। उन कहीन कि 17 अप्रैल 2024 के हमन सब अपन जिनगी के अनुपम दृष्य देखेन। 500 बछर ले पंडाल म बइठे रामलला ह अपन जनमदिन राममंदिर म मनाइस। जिहां उन्कर सूर्यतिलक करे गइस। जब उन ल एकर प्राण प्रतिष्ठा के नेवता भेजे रहेन, अपन वोट बैंक के लालच म भगवान राम के दरबार म तको नइ गइन। हनम न केवल राम मंदिर, काषी विष्वनाथ कोरिडोर, केदारनाथ, बद्रीनाथ धाम अउ अब सोमनाथ मंदिर ल फेर सोन के बनावत हावन।
उन आगू कहिन कि कांग्रेस अध्यक्ष मल्लिकार्जुन खड़गे कहिथे कि छत्तीसगढ़ ल जम्मू कष्मीर ले का लेना देना ? खड़गे तोर अउ राहुल गांधी के सोच कइसनो रहय फेर कष्मीर बर छत्तीसगढ़ के बच्चा बच्चा अपन जान देहे बर तियार हावय। ये देष ले आतंकवाद नषावत हावय। छत्तीसगढ़ म पांच बछर ले भूपेष बघेल ल के सरकार रिहिसे, नक्सलवादी मन ऊपर कोनो कार्यवाही नइ होइस। तुंहार कृपा ले विष्णुदेव साय ल मुख्यमंत्री बनिस अउ चारे महीना म 90 ले जादा नक्सलवादी मन के नाष कर दिस, 123 झिन गिरफ्तार होइस, 250 झिन मन आत्मसमर्पण कर दिन।
