भिलाई, स्वच्छ भारत मिशन के अंतर्गत स्वच्छता के दिशा म सुग्घर काम करे अउ भविष्य म घलोक सरलग काम करे के उद्देश्य ले जी ई रोड सुपेला, भिलाई के होटल फ्लोरेट के महाप्रबन्धक श्री अमिताभ भट्टाचार्या ल नगर पालिका निगम भिलाई के स्वच्छता ब्रांड एम्बेसडर बनाए गए हे। भिलाई नगर निगम के आयुक्त श्री सुदेश सुंदरानी ह उनला स्वच्छता ब्रांड एम्बेसडर के रूप म सम्मानित करत स्वच्छता के दिशा म आगू घलोक अनुकरणीय काम करे बर शुभकामना दीन। ए गरिमामय बेरा म स्वास्थ्य अधिकारी श्री धर्मेन्द्र मिश्रा, अनुज्ञापन अधिकारी श्री जावेद अली संग सहायक स्वास्थ्य अधिकारी उपस्तिथ रहिन।
हम आप ल बता देवन के श्री अमिताभ भट्टाचार्या के काम के सराहना पाछू हप्ता छत्तीसगढ़ हाई कोर्ट के पूर्व जस्टिस श्री धीरेन्द्र मिश्रा जी तको करे रहिन। ये संबंध म हम अपन ये पोर्टल म ये दे कड़ी म समाचार तको छापे रहेन।
