रायपुर, आंवला नवमी के पावन अवसर म मुख्यमंत्री श्री विष्णु देव साय ह अपन धर्मपत्नी श्रीमती कौशल्या साय के संग मुख्यमंत्री निवास म आंवला रूख के पूजा-अर्चना करिन अऊ प्रदेशवासी मन के सुख, समृद्धि अउ बने स्वास्थ्य के कामना करिन। उमन कहिन के आंवला नवमी, जेन ल अक्षय नवमी घलोक कहे जाथे, भारतीय परंपरा म धन, आरोग्य अऊ समृद्धि के चिन्हारी के परब हे। मुख्यमंत्री ह बताइस के आंवला रूख म दिव्य अऊ औषधीय गुण निहित हे अऊ एखर तरी भोजन करे या एकर सेवन करे ले स्वास्थ्य अऊ मानसिक शांति प्राप्त होथे। ए बेरा म उमन मनखे मन ले प्राकृतिक अउ औषधीय पौधा मन के संरक्षण के आह्वान करिन। उमन कहिन के प्रकृति हमर संस्कृति के आधार हे, वृक्ष जीवन के पोषक हे, ते पाए के उंखर पूजा के संग सुरक्षा घलोक हमर दायित्व हे।
आंवला नवमी म मुख्यमंत्री ह करिन पूजा, प्रदेशवासी मन के सुख-समृद्धि के करिन कामना
