दिल्ली, 25 मई 2021। रसायन अउ उर्वरक मंत्री श्री डी.वी. सदानन्द गौडा ह घोषणा करे हे के राज्य अऊ केंद्र शासित प्रदेश अऊ केंद्रीय संस्थान मन ल एम्फोटेरीसीन-बी के अकतहा 19,420 इंजेक्शन आवंटित करे गए हे। ये इंजेक्शन 24 मई, 2021 के देहे गए हे। एकर पहिली 21 मई के देशभर म एम्फोटेरीसीन-बी के 23680 इंजेक्शन के आवंटन करे गए रहिस।
छत्तीसगढ़ ल एकर पहिली केन्द्र ह 300 इंजेक्शन के सीसी देहे रहिस अऊ 24 मई के अकतहा 180 सीसी अऊ देहे गए हे। ये प्रकार ले केन्द्र ह छत्तीसगढ़ ल अब तक कुल 480 सीसी इंजेक्शन दे डरे हे। आप मन जानतेच होहू के एम्फोटेरीसीन-बी कोरोना के बाद उठे महामारी ब्लैक फंगस बर काम आथे।
छत्तीसगढ़ ल केन्द्र ह दीस एम्फोटेरीसीन-बी के अकतहा 180 इंजेक्शन
