दिल्ली, 13 मई 2021। कुछ राज्य मन म अचानक ले एम्फोटेरिसिन बी के मांग म बढ़ोतरी देखे गए हे। कोविड-19 बीमारी के बाद होवईया तकलीफ म डाक्टर मन म्यूकोरमिकोसिस (Mucormycosis) ले पीड़ित रोगी मन के इलाज बर ये दवा लेहे के सलाह देवत हें। ते पाए के भारत सरकार दवा ह उत्पादन ल बढ़ाय बर निर्माता मन ले बातचीत करत हे। ये दवा के अकतहा आयात अऊ घरेलू स्तर म एखर उत्पादन म बढ़ोतरी के संग आपूर्ति के स्थिति म सुधार होए के उम्मीद हे।
औषध विभाग ह निर्माता/आयात मन के संग स्टॉक के स्थिति के समीक्षा करे के बाद, अऊ एम्फोटेरिसिन-बी (Amphotericin-B) के बढ़त मांग ल देखत, 11 मई, 2021 के अपेक्षित आपूर्ति के आधार म राज्य/केंद्र शासित क्षेत्र मन ल ये दवा आवंटित करे हे जेन 10 मई ले 31 मई, 2021 के बीच उपलब्ध कराए जाही। राज्य मन ले सरकारी अऊ निजी अस्पताल अऊ स्वास्थ्य सेवा एजेंसी मन के बीच आपूर्ति के समान वितरण बर एक व्यवस्था लागू करे के घलोक अनुरोध करे गए हे। राज्य मन ले ये घलोक अनुरोध करे गए हे कि ओ मन ये आवंटन ले दवा पाए बर राज्य म निजी अऊ सरकारी अस्पताल मन बर ‘संपर्क बिंदु’ के प्रचार करयं। एखर अलावा, राज्य मन ले अनुरोध करे गए हे के पहिली ले आपूर्ति होए स्टॉक अऊ संगेच अभी आवंटित होए स्टॉक के विवेकपूर्ण तरीका ले उपयोग करयं। राष्ट्रीय औषध मूल्य निर्धारण प्राधिकरण (National Drug Pricing Authority NPPA) आपूर्ति व्यवस्था के निगरानी करही।
केन्द्र सरकार ह म्यूकोरमिकोसिस ले लड़े के खातिर एम्फोटेरिसिन-बी के उपलब्धता बढ़ाय बर कदम उठाइस
