प्रधानमंत्री श्री नरेंद्र मोदी ले मिलिन मुख्यमंत्री श्री विष्णुदेव साय – छत्तीसगढ़ के विकास ल मिलीस नवा रफ्तार

1 नवंबर के ‘अमृत रजत महोत्सव’ म प्रधानमंत्री मोदी ल दीन नेवता
नई दिल्ली, मुख्यमंत्री श्री विष्णुदेव साय ह आज संसद भवन म प्रधानमंत्री श्री नरेन्द्र मोदी ले सौजन्य भेंट करिन। ए बेरा म मुख्यमंत्री श्री साय ह प्रधानमंत्री श्री नरेंद्र मोदी ल 1 नवंबर 2025 के रायपुर म आयोजित अमृत रजत महोत्सव म मुख्य अतिथि के रूप म सामिल होए बर आमंत्रित करिन। संगेच मुख्यमंत्री ह प्रधानमंत्री ल राज्य सरकार के भावी योजना, विकास के प्राथमिकता अऊ जनकल्याण ले जुड़े प्रमुख विषय मन के जानकारी घलोक दीन।
जानबा हे के छत्तीसगढ़ म राज्य गठन के 25वां वर्षगांठ अमृत रजत जयंती साल के रूप म मनाए जात हे। मुख्यमंत्री श्री साय ह कहिन के ये आयोजन छत्तीसगढ़ बर ऐतिहासिक होही अऊ प्रधानमंत्री के गरिमामयी उपस्थिति ले एखर महत्ता अऊ बाढ़ जाही।