रायपुर, 30 मई 2024। “अमृतकाल: छत्तीसगढ़ विजन @ 2047” डॉक्यूमेंट तैयार करे गुणवत्तापूर्ण स्वास्थ्य अउ पोषण विसय म गठित वर्किंग समिति के बैठक राज्य नीति आयोग अटल नगर नवा रायपुर के सभा कक्ष म काली आयोजित होइस। गुणवत्तापूर्ण स्वास्थ्य अउ पोषण ले संबंधित लक्ष्य, चुनौती अउ सामर्थ्य विसय म परखर चर्चा होइस अउ वर्किंग समिति के सदस्य मन कोति ले सुझाव लेहे गीस।
बैठक म स्वास्थ्य अउ परिवार कल्याण विभाग अउ महिला अउ बाल विकास विभाग के अधिकारी मन ह अपन विभाग के लक्ष्य ,चुनौती अउ सामर्थ्य के पावर पॉइंट प्रेजेंटेशन के माध्यम ले विस्तृत जानकारी दीन।
राज्य म मृत्युदर कम करे, एनीमिया मुक्त करे ,सबो के अच्छा स्वास्थ्य , टेली मेडिसिन, मदर एंड चाइल्ड केयर, हॉस्पिटल के अपग्रेडेशन, पीपीपी मॉडल के उपयोगिता, केंद्र सरकार के योजना, ट्रेनिंग संस्था मन के गुणवत्ता सुधारे ,रिसर्च संस्थान मन उपर म जोर, टीकाकरण, मेडिकल टूरिज्म हब बनाए, स्वस्थ अउ खुशहाल समाज बनाए संग आन महत्वपूर्ण विषय मन उपर चर्चा करे गीस। राज्य नीति आयोग के उपाध्यक्ष श्री अजय सिंह ,सदस्य सचिव श्री अनूप श्रीवास्तव, सदस्य श्री के. सुब्रमण्यम ह विभाग मन कोति ले बनाय गए लघु, मध्यम अउ दीर्घकालीन विजन अउ रणनीति मन के निर्धारण बर आमजन ल लाभान्वित करे, गुड गवर्नेंस ,गुणवत्तापूर्ण जीवन संग आन कल्याणकारी उपाय मन उपर म सुझाव दीन। राज्य नीति आयोग के उपाध्यक्ष श्री अजय सिंह ह कहिन कि अच्छा क्वालिटी के रिपोट बनय जेकर उपयोगिता सरकार बर अच्छा रहय।
सुशासन अउ अभिसरण विभाग के सचिव श्री राहुल भगत ह कहिन कि हमार राज्य के सबो जिला मन के कोनो ना कोनो विशेषता हे जेखर माध्यम ले पर्यटन ल आकर्षण के केंद्र बनात प्रोत्साहित करे जा सकत हे। सलाहकार डॉ धीरज तिवारी ह कहिन कि नागरिक मन के सुग्घर स्वास्थ्य बर जरूरी सबो उपाय मन के समावेश डॉक्यूमेंट म होना चाही। ए अवसर म महिला अउ बाल विकास विभाग के संचालक श्रीमती तूलिका प्रजापति, संचालक जनसंपर्क श्री अजय अग्रवाल, स्वास्थ्य परिवार कल्याण विभाग के वरिष्ठ अधिकारीगण, संयुक्त संचालक डॉ नीतू गौरडिया संग समिति के सदस्य गण अउ नोडल अधिकारी उपस्थित रहिन।
