जांजगीर-चांपा, 26 जुलाई 2020। छत्तीसगढ़ शासन कोति ले वन अधिकार अधिनियम के तहत जमीन मिले ले जांजगीर-चांपा जिला के विकासखंड बलौदा के ग्राम खैजा निवासी घनश्याम व सहदेव के अब जमीन ले बेदखली के डर खतम हो गए हे। जमीन के मालिकाना हक मिले ले वोखर परिवार म खुशी के माहौल हे। अब ओ मन परिवार के संग बेफिक्र होके खेती बाड़ी करके अपन जीवन यापन करत हें।
वनाधिकार पट्टाधारी श्री घनश्याम ह बताइस के ओखर परिवार म पत्नी के अलावा 4 लइका हे। लइका मन पढ़ई लिखई करत हें। ओ ल मिले 0.048 हेक्टेयर जमीन म चो ह पउर साल ले दलहन, तिलहन, सब्जी आदि के खेती करत हे। एखर से इमन ल अपन पेट पाले के चिंता ले मुक्ति मिले हे। ओ ल अब जमीन ले बेदखली के डर घलोक नइ हे। वो ह बताइस के वो जमीन म वो ह कई बछर ले काबिज जमीन म खेती करत आत हे, फेर सरकार के रिकार्ड म वन विभाग के जमीन होए के सेती ओ ल बेदखल कर दे जात रहिस। बेदखली के कागजात के आधार म ही राज्य सरकार ह ओ ल वन अधिकार पट्टा देके चिंता मुक्त करे हे। अइसनहे ग्राम खैजा के श्री सुखदेव गिरी ल 0.038 जमीन म वन अधिकार पट्टा मिले हे। ओ ह ये जमीन म पहिली ले काबिज रहिस, फेर बेदखली के डर रहत रहिस। श्री गिरी ह बताइस के ये जमीन म दलहन, तिलहन अउ सब्जी लगाथे। श्री घनश्याम अऊ सहदेव ह राज्य सरकार ल वन अधिकार पट्टा देहे बर आभार व्यक्त करे हें।