जांजगीर-चांपा, 17 अक्टूबर 2020। तेज रफ्तार अनियंत्रित ट्रैलर ह सियान (बुजुर्ग) ल ठोकर मार दीस, जेखर ले मउका म ही सियान के मउत होगे। घटना शिवरीनारायण थाना क्षेत्र के लोहर्सी गांव के हे। मृतक के नाम शिवनंदन पटेल बताए जावत हे।
जानकारी के अनुसार अनियंत्रित ट्रेलर पहली पेड़ ले टकराईस, फेर हैण्ड पंप के संग सियान ल घलो रौंदत हुए आगु निकल गे। घटना स्थल ले कुछ दूर आगु जाए के बाद ड्राइवर वाहन छोड़ के भाग गे। जेखर खोज पुलिस करत हे। घटना के बाद अब्बड़ देर तक आवागमन बाधित रिहिस जेन ल पुलिस अऊ प्रशासनिक टीम ह बहाल कराइस। उहें मृतक के परिजन मन ल तात्कालिक सहायता राशि देहे गिस।