छत्तीसगढ़ बर ऐतिहासिक दिन, जब पहली पइत मुख्यमंत्री ह हेलिकॉप्टर ले पुष्प वर्षा करके शिव भक्त कावड़ीया मन के करिन अभिनंदन
उपमुख्यमंत्री श्री विजय शर्मा घलोक रहिन मौजूद
सावन म शिव भक्त मन बर ऐतिहासिक आयोजन
रायपुर, 5 अगस्त 2024। मुख्यमंत्री श्री विष्णुदेव साय ह आज प्रदेश के प्राचीन, पुरातात्विक, धार्मिक अऊ ऐतिहासिक स्थल बाबा भोरमदेव मंदिर म पवित्र सावन मास के अवसर म हजारों कावड़ीया मन के हेलीकॉप्टर ले पुष्प वर्षा करके भव्य स्वागत करिन। ए ऐतिहासिक आयोजन म मुख्यमंत्री श्री साय ह हर-हर महादेव अऊ बोल बम के जयघोष के संग कावड़ीया मन अऊ श्रद्धालु मन के स्वागत करे गीस अऊ उंखर हौसला बढ़ाइन। मुख्यमंत्री के संग उपमुख्यमंत्री श्री विजय शर्मा ह घलोक कावड़िया मन के अभिनंदन करिन।
ये छत्तीसगढ़ के इतिहास म पहली पइत होय हे जब प्रदेश के मुख्यमंत्री ह खुद हेलीकॉप्टर ले शिवभक्त कावड़िया मन उपर पुष्प वर्षा करके उंखर स्वागत करिन। मुख्यमंत्री श्री साय ह ए अद्वितीय मौका म भोरमदेव बाबा भगवान शिव जी के विशेष पूजा-अर्चना अऊ रुद्राभिषेक घलोक करिन, जेमां उमन प्रदेश के समृद्धि अऊ खुशहाली के कामना करिन।
मुख्यमंत्री श्री साय अऊ उपमुख्यमंत्री श्री शर्मा ह मंदिर परिसर म श्रद्धालु मन ले मुलाकात करिन अऊ भंडारा स्थल म पहुंचके अपन हाथ ले श्रद्धालु मन ल खीर, पुड़ी, चावल अऊ प्रसाद बांटिन। ए दौरान पंडरिया विधायक श्रीमती भावना बोहरा, जिला पंचायत अध्यक्ष श्रीमती सुशीला राम कुमार भट्ट, जनपद अध्यक्ष श्री इंद्राणी चंद्रवंशी, पूर्व विधायक श्री अशोक साहू, अऊ नगर पंचायत अध्यक्ष श्री मनहरण कौशिक ह घलोक बाबा भोरमदेव भगवान शिव के पूजा-अर्चना करके आशीर्वाद लीन।