रायपुर, मुख्यमंत्री श्री भूपेश बघेल ह ए अवसर म कहिन कि हम आदिवासी मन के कला संस्कृति, परम्परा अऊ धरोहर ल संरक्षित करे के प्रयास करत हन। अनेकता म एकता हमर पहिचान हे अऊ ताकत घलोक। उमन कहिन कि लोक सभा सांसद श्री राहुल गांधी ह कहे रहिन कि अइसन काम होना चाही कि सब मनखे मन ल लगए कि ये हमर सरकार ये। आदरणीय श्रीमती सोनिया गांधी अऊ श्री राहुल जी के मार्गदर्शन म हमर सरकार हर वर्ग के आंसू पोछे के काम करत हे। हमन किसान मन के विश्वास जीतेन, आदिवासी मन के लोहण्डीगुड़ा म उंखर जमीन वापस करेन। बस्तर अंचल म सुपोषण अभियान के शुरूआत करेन। ऊंखर स्वास्थ्य बर हाट बाजार म क्लिनिक योजना के शुरूआत करेन। आज हमर सरकार के काम ले छत्तीसगढ़ म चारो-मुड़ा शांति फइले हे।
अनेकता म एकता छत्तीसगढ़ के ताकत अऊ पहिचान: मुख्यमंत्री श्री बघेल
