कोण्डागांव: अनतपुर म एनीमिया जांच अउ जागरूकता शिविर के करे गीस आयोजन

कोण्डागांव, 16 फरवरी 2024। माकड़ी विकासखंड के ग्राम पंचायत अनतपुर म बिरसपत के एनीमिया जांच अउ जागरूकता शिविर के आयोजन कलेक्टर कुणाल दुदावत के हुकुम के मुताबिक करे गीस। ए एक दिन के शिविर म एनीमिया जांच शिविर लगाके किशोरी बालिका, गर्भवती महिला अउ शिशुवती महिला मन ल एनीमिया के बारे म जानकारी देत उचित खान-पान के संबंध म जानकारी देहे गीस अउ बताए गीस कि कइसे हम हमार अंदर खून के कमी ल दूर कर सकत हन अऊ ओ मन ल एनीमिया के बारे म जागरूक करे गीस। एखर पाछू एनीमिया जागरुकता ल लेके स्कूल के लइका मन, शिक्षक-शिक्षिका अऊ सरपंच, वार्ड पंच, स्वस्थ विभाग के कर्मी मन कोति ले पंचायत म रैली निकालके मनखे मन ल एनीमिया के प्रति जागरूक करे गीस।
जानबा हे कि गांव म मनखे मन म एनीमिया के प्रति जागरूकता के कमी ल देखत ग्राम सरपंच रदमा बघेल ह स्वास्थ विभाग ल चिट्ठी लिखके एनीमिया जांच शिविर अउ जागरूकता अभियान चलाय बर कहे गए रहिस जेन ल संज्ञान म लेत जिला प्रशासन ह गांव म शिविर के आयोजन करिस। ए कार्यक्रम म स्वास्थ्य विभाग ल आकांक्षी जिला कार्यक्रम म नीति आयोग के सहयोगी संस्था भारत कोलबोरेटिव (पिरामल फाउंडेशन) के संग स्वस्थ पंचायत थीम के तहत सहयोग करे गीस। ए कार्यक्रम म सरपंच रदमा बघेल, सुख लाल बघेल, मेडिकल ऑफिसर डॉ. बीबी धर, आरएचओ सोपसिंह मरकाम, रेशमा मरकाम, सीएचओ अल्फा पदमाकर, शिक्षक दयाल नेताम, नीतू ठाकुर, टूपेश्वरी बरका, बसंती बघेल, गांधी फेलो सूरज झारिया, डोमनी नेताम, जयमती,गंगा यादव, रामबानी, बालमन अउ बड़ी संख्या म ग्रामीण उपस्थित रहीन।