रंगीन फोटू ले सजे आंगनबाड़ी बनिस लइका मन बर रूचिकर
सूरजपुर, 18 जून 2020। रंगीन फोटू ले सजे भिथिया, फर्रस अऊ छत खुदे लइका मन के मन ल अपन कोति खींच लेथे। इही बाल मनोविज्ञान के परयोग छत्तीसगढ़ के आंगनबाड़ी म लइका मन ल प्राथमिक ज्ञान देहे बर करे जात हे। प्रदेश के सुदूर आदिवासी क्षेत्र सूरजपुर जिला के रामानुजनगर ग्राम पंचायत म बने थानापारा आंगनबाड़ी शहरी क्षेत्र ह आधुनिक प्ले स्कूल ले कोनो कम नइ हे। इहां के आंगनबाड़ी केन्द्र म फोटू के माध्यम ले शिक्षा ल मनोरंजक अऊ रूचिकर बनाके लइका मन ल अक्षर ज्ञान देहे जइसे नवाचार के परयोग करे गए हे। जिला म मनरेगा अभिसरण के तहत नवीन आंगनबाड़ी भवन निर्माण म ’बाला’ (BALA- Building as learning aid) तकनीक के परयोग करत संस्था के भौतिक संरचना ल मनोरंजक, ज्ञानवर्धक, रूचिकर बनाय गए हे। ’बाला’ विद्यालय के पूरा भौतिक वातावरण ल अंदर, बाहिर, हर जगा ल सीखे के यंत्र के रूप म विकसित करे के सिद्धांत हे। ये भवन के शैक्षिक ‘मूल्य’ ल सबले जादा बनाए के माध्यम हे। ये ‘बच्चे कइसे सीखथे’ ये सिद्धांत उपर आधारित हे। आंगनबाड़ी केन्द्र मन म करे जात ये परयोग प्रारंभिक शिक्षा प्राप्त करत लइका मन के शैक्षणिक विकास म महत्वपूर्ण साबित होवत हे।
