बीजापुर, कुटरू परियोजनार्न्तगत ग्राम पंचायत पेठ़ा म साल 2020 म हरित बीजापुर फलित बीजापुर के तहत पेठा संग परियोजना स्तर के जम्मो आंगनबाड़ी केन्द्र मन म सामुदायिक सहभागिता ले पोषण बाड़ी तियार करे गए हे। जिहां मौसमी साग-सब्जी, पत्तेदार भाजी के उत्पादन होवत हे। पोषण बाड़ी के सब्जी-भाजी के उपयोग आंगनबाड़ी म दर्ज लइका मन ल, माता मन ल खवाए जात हे। हरीयर साग-सब्जी म प्रोटीन विटामिन्स होथे। जेखर से पौष्टिक आहार हितग्राही मन ल मिलत हे। सब्जी-भाजी के संगें-संग फलदार पौधा मन के घलोक रोपण करे गए हे। जेमां आम, पपीता, केला अउ मुनगा सामिल हे। अभी हाल म ताजा फल अऊ सब्जी पोषण बाड़ी ले मिलत हे, आंगनबाड़ी कार्यकर्ता श्रीमती सेवंती मरकाम अऊ सहायिका ह पोषण बाड़ी के देखरेख अऊ सिंचाई बेरा म करत हें। जेखर सकारात्मक परिणाम मिलत हे। कार्यकर्ता अऊ सहायिका मन आन मनखे मन ल घलोक पोषण बाड़ी तियार करे के समझाईश देहे जात हे अऊ प्रेरित करे जात हे। ऊंखर फायदा अऊ उपयोगिता के बारे म हितग्राही मन ल बताए जात हे।
बीजापुर के आंगनबाड़ी केन्द्र म सामुदायिक सहभागिता ले करे गीस पोषण बाड़ी के निर्माण
