आंगनबाड़ी कार्यकर्ता अऊ सहायिका मन ह होली ले पहिली ही जमके मनाईन होली

महासमुंद, मुख्यमंत्री श्री भूपेश बघेल के भरोसे के बजट के घोषणा के संगेच आंगनबाड़ी कार्यकर्ता अऊ सहायिका मन के बीच खुशी के लहर दउड़ गे। होली के दू दिन पहिली ये घोषणा ले प्रदेश के संगे-संग महासमुंद जिला के आंगनबाड़ी कार्यकर्ता अउर सहायिका मन ह जमकर होली खेलिन। महिला मन ह होली गीत अऊ डी.जे. के धुन म गुलाल लगाके एक दूसर ल बधाई दीन अऊ अपन खुशी जाहिर करत जमकर खुशि मनाईन। बजट ल उमन भरोसा के बजट बतात मुख्यमंत्री श्री भूपेश बघेल के प्रति अपन आभार व्यक्त करिन।
जानबा हे कि मुख्यमंत्री श्री भूपेश बघेल ह आज पेश करे गे बजट म आंगनबाड़ी कार्यकर्ता मन के मासिक मानदेय के राशि 6 हजार 500 प्रति महिना ले बढ़ाके अब 10 हजार रूपिया, मिनी आंगनबाड़ी कार्यकर्ता मन के मानदेय 4 हजार 500 रूपिया ले बढ़ाके 7 हजार 500 रूपिया मासिक अउ सहायिका मन के मानदेय 3 हजार 250 रूपिया ले बढ़ाके 5 हजार रूपिया मासिक करे के घोषणा करिन।