सूरजपुर: ऑगनबाड़ी कार्यकर्ता विनिता गुर्जर के अथक प्रयास ले फुलमति अऊ पवन होइस सुपोषित

सूरजपुर, मुख्यमंत्री सुपोषण अभियान माननीय मुख्यमंत्री के महत्वकांक्षी योजना ये। मुख्यमंत्री सुपोषण अभियान के मुख्य उद्देश्य 06 महिना ले 03 साल के लइका मन अऊ 15 ले 49 साल के एनीमिक महिला मन ल लाभान्वित करना हे। मुख्यमंत्री सुपोषण अभियान 02 अकटूबर 2019 ले चालू करे गए हे जेखर मुख्य उद्देश्य 06 साल तक के लइका मन ल कुपोषण ले मुक्‍त करना हे। कुपोषण अऊ एनीमिया ल दूर करे बर शासन कोति ले अभी हाल म संचालित योजना मन म कमी के पहिचान करके ओला दूर करना घलोक योजना के मुख्य उद्देश्य हे जेखर सेती 06 महिना ले 03 साल तक के कुपोषित लइका मन ल घलोक अकतहा पोषण आहार गरम भोजन पौष्टिक खिचड़ी के रूप म देहे जाना उचित होही। आँगनबाड़ी केन्द्र मन म दर्ज 06 महिना ले 03 साल के कुपोषित लइका मन ल बढ़ती उमर म गर्म भोजन के जादा जरूरत हे, जेन ओ मन ल विभाग कोति ले संचालित योजना मन ले नइ मिल पात हे। आँगनबाड़ी केन्द्र मन म दर्ज 06 महिना ले 03 साल के कुपोषित लइका मन ल गर्म भोजन, पौष्टिक खिचड़ी उपलब्‍ध कराके स्वास्थ्य म सुधार लाए जा सकत हे ।
ये उद्देश्य के पूर्ति बर 06 महिना ले 03 साल के लइका मन बर गर्म भोजन अऊ 15 ले 49 साल के एनीमिक महिला मन बर गर्म भोजन उपलब्‍ध कराए जात हे । मुख्यमंत्री सुपोषण अभिया ले लाभान्वित होवइया हितग्राही मन म ले फुलमति घलो एक बालिका हे जेकर नाव मिनी आँगनबाड़ी केन्द्र छोटे गेरुवाडांड़ म दर्ज हे। ये बच्ची के वजन 12.2 कि.ग्रा. रहिस, जेन मध्यम श्रेणी म रहिस। आँगनबाडी कार्यकर्ता विनिता गुर्जर ह फुलमति ल सरलग मुख्यमंत्री सुपोषण अभियान के योजना मन ले लाभान्वित कराइस अऊ ओ.बा. कार्यकर्ता विनिता गुर्जर ह गृह भेंट करके सरलग वो नोनी के माता-पिता ल स्वच्छता के संबंध म जागरुक करके प्रात्साहित करिस। जेखर से वोकर माता-पिता मन ह नोनी के स्वास्थ्य उपर विशेष ध्यान दीन। अभी हाल म फुलमति के वजन 13.4 कि.ग्रा. हे अऊ वो सामान्य श्रेणी म आ गए हे ।
अइसनहे ये केन्द्र के बालक पवन कुमार के वजन 89 कि.ग्रा. रहीस अऊ वोकर तबियत घलोक खराब रहत रहिस, आँगनबाड़ी कार्यकर्ता विनिता गुर्जर ह पवन ल सरलग मुख्यमंत्री सुपोषण अभियान के योजना ले लाभान्वित कराइस अऊ हेल्थ फ्राईडे के माध्यम ले स्वास्थ्य लाभ कराए गीस। लइका के सरलग निगरानी अऊ गृह भेंट संग लइका के माता-पिता ल स्वच्छता के संबंध म जागरुक करके प्रात्साहित करे ले वोकर माता-पिता मन लइका के स्वास्थ्य म विशेष ध्यान दीन। अभी हाल म लइका के वजन 9.9 कि.ग्रा. हो गए हे अऊ लइका के माता-पिता के व्यवहार म घलोक व्यापक बदलाव देखे गए हे। मुख्यमंत्री सुपोषण अभियान ले लइका मन के स्वास्थ्य म सुधार के संगें-संग ऊंखर माता-पिता के व्यवहार म घलोक बदलाव देखे गीस जेन योजना के मुख्य उद्देश्य हे। हितग्राही मन कोति ले ऑगनबाड़ी कार्यकर्ता विनिता गुर्जर के अथक प्रयास के सराहना करत शासन कोति ले संचालित योजना बर माननीय मुख्यमंत्री ल धन्यवाद ज्ञापन करे गीस।