नारायणपुर जिला के 16635 लइका मन, गर्भवती अऊ शिशुवती महिला मन ल घरे म ही मिलत हे रेडी टू ईट आहार

नारायणपुर, 17 जुलाई 2020। पूरा देश कोरोना वायरस (कोविड-19) संक्रमण ले लड़त हे। जेखर बर शासन ह बलइका मन के स्वास्थ्य के चिंता करत पूरा प्रदेश म आंगनबाड़ी केन्द्र मन ल अस्थायी रूप ले बंद कर देहे हे। जिला के आंगनबाड़ी केन्द्र के लइका मन, गर्भवती-शिशुवती महिला मन के स्वास्थ्य ल धियान म रखत नारायणपुर के आगंनबाड़़ी कार्यकर्ता आंगनबाड़ी केन्द्र के लइका मन, गर्भवती-शिशुवती महिला मन के घर-घर जाके हेल्दी रेडी-टू-ईट फूड अउ चिक्की बांटत हें। आंगनबाड़ी कार्यकर्ता लइका मन, गर्भवती अऊ षिषुवती महिला मन ल कोरोना वायरस ले बचाव के तरीका ल घलोक बखूबी बतावत हें। लइका मन ल साफ-सफाई, हाथ धोए अउ सोशल डिस्टेंसिंग, (सामाजिक दूरी) रखे, आदि के बात समझावत हें। एखरे संग आंगनबाड़ी कार्यकर्ता मन राज्य शासन के हुकुम के मुताबिक छत्तीसगढ़ म दूसर राज्य ले अवइया प्रवासी गर्भवती महिला मन अउ लइका मन ल रेडी टू ईट अउ पौष्टिक चिक्की के घलोक बांटत हें।