आँगनबाड़ी कार्यकर्ता मन, खेत-खलिहान तक पहुच के लइका, गर्भवती अउ शिशुवती माता मन ल देवत हे पोषक आहार

रायपुर/नारायणपुर, 28 अगस्त 2020। बारिश के मौसम म किसान समेत वनांचल क्षेत्र म जन-जातीय समूह के लोगन खेती-किसानी के काम म जुटे हे। अइसे म दूरस्त आदिवासी अंचल नारायणपुर के घर मन म कोई नइ मिले त आंगनबाड़ी कार्यकर्ता कोशो दुर पैदल चल के महिला मन ल खेत अउ काम के जगह म पोषक आहार पहुचात हे ताकि गर्भवती महिला मन अउ लइका ल समय म पोषक आहार मिल जा सके। ये आंगनबाड़ी कार्यकर्ता कोरोना महामारी जइसे विपरीत पस्थिति अउ जिला के विषम भौगोलिक परिस्थिति म घलो पूरा निष्ठा, ईमानदारी अउ जिम्मेदारी ले अपन दायित्व ल बखूबी पूरा करत हे। मुख्यमंत्री भूपेश बघेल ह घलो आंगनबाड़ी कार्यकर्ता मन ल चिठ्ठी लिख के उकर होैसला अफजाई अउ काम के सराहना करिन हे। एकर ले उत्साहित कार्यकर्ता दुगुना उत्साह ले काम करत हे।

महिला बाल विकास अधिकारी रविकांत ध्रुवे ह बताइस कि कोरोना संक्रमण के रोकथाम बर सबो आंगनबाड़ी बंद हे। अइसे स्थिति म नारायणपुर जिला के 556 आंगनबाड़ी केन्द्र म दर्ज बच्चा, गर्भवती अउ शिशुवती समेत कुल 16 हजार 917 हितग्राही के घर पहुंचा के हेल्दी रेडी-टू-ईट फूड अउ चिक्की के वितरण कर पहुचाये जावत हे। घर म कोनो सदस्य नइ राहे त कार्यकर्ता महिला मन ठउर पता करके उकर काम के जगह, खेत-खलिहान अउ आने स्थान म जाके पोषण आहार के वितरण करत हे। कार्यकर्ता अउ सहायिका मन द्वारा गंभीर रूप ले कुपोषित लइका के खान-पान बर विशेष ध्यान रखे जात हे। कोरोना वायरस ले बचाव के प्रति लइका अउ महिला मन के संग गाँव ल घलो जागरूक करे म पूरा सहयोग करिन हे। लइका मन के बीच साफ-सफाई, हाथ धोय अउ फिजिकल डिस्टेंसिंग रखे के बात बताइन हे।