अव्यवस्था ले नाराज कर्मचारी मन चंदूलाल मेमोरियल हॉस्पिटल करिन घेराव, जल्द वेतन दे के करिन मांग

दुर्ग, 3 सितंबर 2020। भिलाई के चंदूलाल मेमोरियल हॉस्पिटल म कार्यरत कर्मचारी अस्पताल प्रबंधन के खिलाफ म गुरुवार के एकजुट होइस। काफी दिन ले वेतन नइ दिए जाये ले नाराज कर्मचारी मन ह हॉस्पिटल के घेराव करिस। व्यवस्था म सुधार लाये अउ वेतन भुगतान करे जाये के मांग करिन।  प्रदर्शन म शामिल महिला कर्मचारी शारदा शर्मा ह हॉस्पिटल प्रबंधन ऊपर गंभीर आरोप लगाए हे। ओमन कहिन हे कि, अप्रैल 2020 ले अब तक वेतन नइ गे हे। सेवा ल बराबर ले जावत हे, लेकिन हॉस्पिटल के डायरेक्टर सीईओ संध्या श्रीवास्तव के दुर्व्यवहार के सामना करे ल पड़त हे। हॉस्पिटल के 7,8 कर्मचारी मन घलो संध्या श्रीवास्तव के व्यवहार ले परेशान हे। कुछ कर्मचारी मन ल काम ले हटा दे गे हे। बतादन कि पूर्व म घलो डायरेक्टर संध्या श्रीवास्तव के व्यवहार ले नाराजगी जतात हुए प्रदर्शन करे गए रिहिस। उचित कार्यवाही नइ होइस त दुबारा हॉस्पिटल के घेराव करके मांग करिन , सबो कर्मचारी मन ल वेतन दिय जाए अउ ओला काम म वापस रखे जाए ।