रइपुर 03 अगस्त 2021 बुधवार। समाज कल्याण मंत्री श्रीमती अनिला भेड़िया ह अपन घर म आयोजित कार्यक्रम म दिव्यांग सुश्री लता डान्डे अउ सुश्री रानिया देवांगन ल फोकट म मोटर वाले तीनचकिया दीन। उन मन कहीन कि दिव्यांगजन मोटराइज्ड ट्राईसाईकिल के माध्यम ले बिना काकरो उपर निर्भर रहत कहूंचो आ जा सकहीं। एकर ले उन्कर जिनगी अबड़े सरल हो जाही।
सरकार कोति ले दिव्यांगजन मन के हित बर अबड़ अकन कल्याणकारी योजना चलाए जावत हे, जेकर लाभ उन मन ल समय म विभाग कोति ले देहे जावत हे। सरकार कोति ले चलावत योजना मन ले दिव्यांगजन मन के सपना साकार होए लगे हे। लता डान्डे अउ रानिया देवांगन फोकट म मोटर वाले तीनचकिया मिले अबड़े खुश हे। उन मन राज्य सरकार के योजना के जानकारी देहे अउ उपकरण प्रदान करे बर धन्यवाद ज्ञापित करीन हे। समाज कल्याण विभाग के संयुक्त संचालक श्री भूपेंद्र पांडे ह बताइन कि सहायक उपकरण प्रदाय योजना के अंतर्गत निशक्तजन मनखे मन ल ट्राईसाईकिल, बैसाखी, श्रवण यंत्र, व्हीलचेयर, छड़ी अउ आने बनावटी अंग फोकट म देहे जाथे।