बालोद, महिला अउ बाल विकास अऊ समाज कल्याण मंत्री श्रीमती अनिला भेंडिया ह बालोद जिला के डौंडी विकासखंड के ग्राम कुआगोदी, लिमउडीह अऊ सुरडोंगर म कई ठन विकास काम मन के लोकार्पण, भूमिपूजन करके विकास काम मन के सौगात दीन। श्रीमती भेंडिया ह ग्राम कुआगोदी म सामुदायिक भवन अऊ हायर सेकेंडरी स्कूल म अकतहा कक्ष के निर्माण बर भूमिपूजन, ग्राम लिमउडीह म शासकीय प्राथमिक शाला म चारदीवारी निर्माण, प्राथमिक शाला म अकतहा कक्ष निर्माण, बोरखनन अउ मोटर पम्प स्थापना अऊ रंगमंच निर्माण काम के भूमिपूजन अऊ ग्राम सुरडोंगर म पानी टंकी निर्माण अऊ पशु आश्रय निर्माण के भूमिपूजन अऊ पशु औषधालय के नवीन भवन अऊ स्कूल म पुस्तकालय, परयोग शाला भवन के लोकार्पण करिन। उमन गांव वाले मन ल विकास काम मन बर बधाई घलोक दीन।
मंत्री श्रीमती भेंडिया ह गांव वाले मन ल संबोधित करत कहिन कि मुख्यमंत्री श्री भूपेश बघेल के अगुवई म राज्य सरकार के योजना मन गांव-गांव तक पहुंचत हे, सबो ग्रामीण शासन के योजना मन के लाभ उठावयं। छत्तीसगढ़ सरकार ग्रामीण अर्थव्यवस्था ल एक नवा दिशा देहे के काम करत हे, जेखर बर नवा पहल करत ग्रामीण औद्योगिक पार्क के स्थापना करे जात हे, जेन ग्रामीण क्षेत्र म रोजगार के नवा अवसर प्रदान करही। मंत्री श्रीमती भेंडिया ह बताइस कि मुख्यमंत्री श्री भूपेश बघेल ह किसान मन के हित म काम करे जात हे एकरे चलते मुख्यमंत्री ह राजीव गांधी किसान न्याय योजना के तहत तीसर किश्त के राशि दीपावली ले पहिली किसान मन देहे जात हे, जेखर से किसान भाई देवारी के तिहार बने सहिन मना सकयं।
छत्तीसगढ़ सरकार ह ग्रामीण अर्थव्यवस्था ल दीन नवा दिशा – श्रीमती अनिला भेंडिया
