महिला बाल विकास मंत्री ह प्रभारी जिला कांकेर म के योजना मन के करिन समीक्षा
कांकेर, महिला अउ बाल विकास अऊ समाज कल्याण मंत्री श्रीमती अनिला भेड़िया अपन दू दिन के बस्तर दउरा के पहिली दिन 5 मई के अपन प्रभार के जिला उत्तर बस्तर कांकेर पहुंचीन। उमन जिला कार्यालय म शासकीय योजना अउ कार्यक्रम मन के क्रियान्वयन के समीक्षा करिन अऊ अधिकारी मन ल जनसमस्या अऊ शिकायत मन के जल्दी निराकरण के हुकुम दीन।
श्रीमती भेंड़िया ह कहिन कि शासन के योजना मन के लाभ आखरी मनखे तक पहुंचय। हितग्राही मन ल स्पष्ट रूप ले बता देवव के ये काम नइ हो सके काबर के ये बारे म नियम न हे, ताकि ओला अनावश्यक भटकना झन परय। उमन सबो अधिकारी मन ल संवेदनशीलता अऊ गंभीरता के संग अपन दायित्व के निर्वहन करे ल कहिन जेखर से नागरिक मन ल जल्दी से जल्दी योजना मन के लाभ मिल सकय।