रायपुर, राज्यपाल सुश्री अनुसुईया उइके ले राजभवन म शिक्षाविद् कैप्टन अंकुर ढिल्लन ह सौजन्य मुलाकात करिन। जानबा हे के कैप्टन ढिल्लन के चयन शिक्षा के क्षेत्र म डब्ल्यू.सी.आर.सी. लीडर एशिया, साल 2022 बर बेस्ट इमर्जिंग लीडर के रूप म होए हे। ये उपलब्धि बर डब्ल्यू.सी.आर.सी. फेस्ट 2022 लंदन म श्री ढिल्लन ब्रिटिश संसद म सभा ल संबोधित करहीं। ये उपलब्धि बर राज्यपाल सुश्री उइके ह कैप्टन ढिल्लन ल बधाई अऊ शुभकामना देवत सम्मानित करिन। उमन श्री ढिल्लन ले राज्य के कला-संस्कृति ल घलोक लंदन यात्रा के समय उहां प्रसारित करे ल कहिन। ये बेरा म राज्यपाल सुश्री उइके ले श्री ढिल्लन ह शिक्षा अऊ ओखर विकास के संबंध म चर्चा करिन।
