संगमरमर म रचिस कमाल: भिलाई के अंकुश देवांगन ह बनाइस प्रधानमंत्री मोदी के सूक्ष्म प्रतिमा, मुख्यमंत्री साय ह करिन सराहना

रायपुर, मुख्यमंत्री श्री विष्णु देव साय के जनदर्शन कार्यक्रम म आज कला के अनोखा नमूना देखे ल मिलीस। भिलाई के रहवइया 55 बछर के अंकुश देवांगन ह मुख्यमंत्री ल संगमरमर म बनाय प्रधानमंत्री नरेंद्र मोदी के सूक्ष्म प्रतिमा भेंट करिन। ये प्रतिमा एक विशेष फ्रेम म लगे हे, जेमां अयोध्या के श्री रामलला मंदिर के प्रतिकृति घलोक उकेरे गए हे।
फ्रेम म लगे माइक्रोस्कोपिक लेंस प्रतिमा के भाव अऊ बारीक रेखा ल स्पष्ट दिखाथे। मुख्यमंत्री साय ह ए अद्भुत कला के सराहना करत कहिन के “ये समर्पण अऊ धैर्य के चिनहारी ये।” उमन अंकुश देवांगन ल राज्य स्तरीय प्रदर्शनी खातिर प्रोत्साहित करे के आश्वासन दीन।
45 बछर ले माइक्रो आर्ट म सक्रिय देवांगन भिलाई स्टील प्लांट म कार्यरत हे अऊ अब दुनिया के सबले छोटे राम सेतु प्रतिकृति बनाए के लक्ष्य रखे हे।