मुख्यमंत्री के बड़का घोषणा : श्रमवीर मन बर अन्नपूर्णा दाल भात केन्द्र अऊ लइका मन बर उत्कृष्ट शिक्षा योजना होही चालू

रायपुर, 17 सितमबर 2024। मुख्यमंत्री श्री विष्णु देव साय ह आज विश्वकर्मा जयंती के  पावन अवसर म प्रदेश के मेहनतकश श्रमिक मन के हित म दू महत्वपूर्ण घोषणा करिन। मुख्यमंत्री श्री साय ह प्रदेशभर म श्रमिक मन ल 5 रूपिया म भरपेट भोजन मिल सकय एखर बर प्रदेश के सबो जिला मन म अन्नपूर्णा दाल-भात केंद्र खोले के घोषणा करिन। एखर संगेच उमन छत्तीसगढ़ भवन अउ आन सन्निर्माण कर्मकार कल्याण मण्डल के योजना के अंतर्गत उत्कृष्ट शिक्षा योजना चालू करे के घोषणा घलोक करिन। ए योजना के तहत पंजीकृत निर्माण श्रमिक के लइका मन ल श्रेष्ठ निजी आवासीय विद्यालय म निःशुल्क अध्ययन के सुविधा प्रदान करे जाही। मुख्यमंत्री ह इंदिरा गांधी कृषि विश्वविद्यालय म आयोजित राज्य स्तरीय श्रमिक सम्मेलन म ये घोषणा करिन।