छत्तीसगढ़ म दसवीं अऊ बारहवीं के बोर्ड परीक्षा के तारीख ऐलान…शिक्षा विभाग ह जारी करिस सूची

रायपुर, 23 जनवरी 2020। छत्तीसगढ़ माध्यमिक शिक्षा मंडल ह बोर्ड परीक्षा के तारीख के ऐलान कर देहे हे। दसवीं के परीक्षा 15 अप्रैल अऊ बारहवीं के परीक्षा 3 मई ले शुरू होही। ये सम्बन्ध म शिक्षा मंडल ह आदेश जारी कर देहे हे। मिले जानकारी के मुताबिक दसवीं के परीक्षा 15 अप्रैल ले चालू होके 01 मई के खतम होही। उहें बारहवीं के 3 मई ले 24 मई तक चलही । मुख्य परीक्षा के समय-सारणी मण्डल की वेबसाईट http://www.cgbse.nic.in म उपलब्ध करा देहे गए हे। एखर संग ही माशिमं ह ये साफ कर देहे हे कि ये बार परीक्षा ऑफ़लाइन होही। शिक्षा मंडल ले मिले जानकारी के अनुसार प्रायोजना कार्य अऊ प्रायोगिक परीक्षा 10 फरवरी ले प्रारंभ होही । कोरोना संक्रमण ल ध्यान म रखत हुए प्रायोगिक परीक्षा एक दिन म 2-3 शिफट म आयोजित करे जाही। प्रायोगिक परीक्षा म वाह्य परीक्षक के अनिवार्यता ल बोर्ड ह समाप्त कर देहे गए हे। 10 मार्च 2021 तक परियोजना कार्य अऊ प्रायोगिक परीक्षा पूर्ण कर लेहे जाही ।