रथ के माध्यम ले साइबर क्राईम अऊ यातायात बर मनखे मन ल करे जाही जागरूक
महासमुंद, गृह मंत्री श्री ताम्रध्वज साहू ह समीक्षा बैठक के बाद जिला के दूर-दराज इलाका मन म रहइया मनखे मन ल पुलिस सहायता प्रदान करे के उद्देश्य ले पुलिस प्रशासन के ‘‘अंजोर रथ’’ खाकी के रंग, स्कूल के संग नाम के चलित पुलिस रथ ल हरीय झंडी देखाईन। अंजोर छत्तीसगढ़ी भाखा के आखर जेखर मतलब उजाला होथे। ये रथ के माध्यम ले जिला के थाना क्षेत्र मन अऊ साप्ताहिक हाट बाजार मन म पहुंचके साइबर क्राईम अऊ कई तरीका ल अपनाके होवईया अपराध मन के प्रति मनखे मन ल खासकर लइका अऊ महिला मन ल जागरूक करे जाही।
ये मउका म विधायक अऊ संसदीय सचिव श्री विनोद चंद्राकर महासमुंद, श्री द्वारिकाधीश यादव खल्लारी, श्री देवेंद्र बहादुर सिंह बसना अऊ सरायपाली विधायक श्री क़िस्मत लाल नंद, ज़िला पंचायत अध्यक्ष श्रीमती ऊषा पटेल संग कलेक्टर श्री निलेशकुमार क्षीरसागर, पुलिस अधीक्षक श्री भोजराम पटेल, जिला पंचायत सीईओ श्री एस.आलोक, डीएसपी यातायात श्री राजेश देवांगन संग कई ठन विभाग मन के ज़िला स्तरीय अधिकारी उपस्थित रहिन।
अंजोर रथ के माध्यम ले मनखे मन ल अपराधी मन के चंगुल म नइ आए अऊ साईबर क्राईम ले कइसे सतर्कता बरते जाय ये गुर घलोक बताए जाही। संगेच येमा यातायात नियम मन के पालन करे के बारे म घलोक जानकारी देहे जाही। एखर अलावा अपराध होए म मदद या सहायता बर तुरंत पुलिस के हेल्पलाइन नम्बर के बारे म घलोक बताइए जाही। अंजोर पुलिस रथ मनखे मन के बीच अऊ बेहतर तालमेल बनाए म घलोक मदद करही।
