रायपुर, 06 अप्रैल 2020। छत्तीसगढ़ ले ये बेरा जोन खबर निकल के आगु आवत हे , वो बड़का राहत देने वाला हे. राज्य म एक अउ कोरोना मरीज पूरा तरह ले स्वस्थ होगे हे, ओला डिस्चार्ज करे जावत हे. प्रदेश म ये 9वां पॉजिटिव मरीज हे जोन ठीक होइस हे. कोरबा के रहने वाला युवक पूरा तरह ले ठीक होगे हे. ये युवक यूके के यात्रा करके कोरबा लहुटे रहिस. अब सिर्फ कटघोरा के 16 साल के जमाती कोरोना पॉजिटिव मरीज ही बचे हे, जेखर घलो जल्द ठीक होय के उम्मीद हे। प्रदेश के मुख्यमंत्री भूपेश बघेल ह ट्वीट करके ये जानकारी दिस।
बता देथन कि अब तक छत्तीसगढ़ म कुल 10 कोरोना पॉजिटिव मरीज आगु आये रहिस. जोन म ले 9 मरीज मन ल ठीक होय के बाद डिस्चार्ज कर दिए गए हे. ये सबो झन फिलहाल 28 दिन बर होम आइसोलेशन म रही।