अंतर्राष्ट्रीय योग दिवस 21 जून के ’छत्तीसगढ़ वर्चुअल योग मैराथन’: 5 ले 15 जून 2021 तक कर सकत हे ऑनलाइन पंजीयन

रइपुर, 7 जून 2021 सम्मार। छत्तीसगढ़ शासन कोति ले 21 जून 2021 के अंतर्राष्ट्रीय योग दिवस के बेरा म योगाभ्यास प्रोटोकॉल के अनुसार ’छत्तीसगढ़ वर्चुअल योग मैराथन’ के आयोजन करइया हावय। मैराथन म संघरइया मन 5 जून ले 15 जून 2021 तक http://jansampark.cg.gov.in/yogwithchhattisgarh/Registration.aspx लिंक ल चपक के पंजीयन करवाए जा सकत हे ।
सबो पंजीयनकर्ता मन ल डिजिटल प्रणाम पत्र देहे जाही । संगे—संग हरेक जिला के अव्वल 100 पंजीयन करइया मन ल टीशर्ट तको देहे जाही।
समाज कल्याण विभाग अंतर्गत छत्तीसगढ़ योग आयोग कोति ले होवइया छत्तीसगढ़ वर्चुअल योग मैराथन म भाग लेहे बर आवेदक ल योगासन करत अपन फोटू/वीडियो अपन सोशल मीडिया एकाउंट्स म हे #yogwithchhattisgarh #yogwithchhattisgarh के संग संघारना हवय । एकर छोड़ प्रतिभागी अपन फोटू/वीडियो internationalyogaday2021@gmail.com म मेल तको कर सकत हे।