रायपुर, इंदिरा गांधी कृषि विश्वविद्यालय के कुलपति डॉ. गिरीश चंदेल ह कहिन हे कि छत्तीसगढ़ के जैव विविधता ये राज्य के अमूल्य सम्पदा ये, जेखर समुचित उपयोग करके छत्तीसगढ़ ल समृद्ध बनाय जा सकत हे। उमन कहिन कि छत्तीसगढ़ के ए परंपरागत किस्म मन के उपयोग नवा किस्म मन के संवर्धन, अनुसंधान अऊ उत्पादन बर करे जाना चाही। डॉ. चंदेल ह कहिन कि छत्तीसगढ़ म धान के बहुत अकन किस्म मन म कैंसर रोधी गुण होए के संभावना हे, जेकर चिन्हारी कृषि विश्वविद्यालय के वैज्ञानिक मन ह करे हें। ए किस्म मन संरक्षण अऊ संवर्धन करके इंकर उत्पादन ल बढ़ावा देहे जाना चाही अऊ एकर उपयोग दवई बनाए म करे जाना चाही। उमन कहिन कि जैव विविधता के संरक्षण करके किसान आर्थिक रूप ले समृ़द्ध हो सकत हे। कुलपति डॉ. गिरीश चंदेल आज इहां इंदिरा गांधी कृषि विश्वविद्यालय रायपुर म आयोजित अन्तर्राष्ट्रीय कृषि मड़ई एग्री कार्नीवाल 2022 के चौथइया दिन ‘‘जैव विविधता संरक्षण अऊ कृषक प्रजाति मन के पंजीयन कार्यशाला अऊ प्रदर्शनी’’ ल मुख्य अतिथि के आसंदी ले संबोधित करत रहिन।
छत्तीसगढ़ के धान के बहुत अकन किस्म मन म कैंसर रोधी गुण
