कोरोना संकट के जंग म दीस योगदान
मुंगेली 22 अप्रैल 2020// आज मुंगेली जिला के 9 वरस के नोनी लइका अन्वेशा देवांगन ह मुख्यमंत्री राहत कोष म दान बर अपन गुल्लक ठेकली कलेक्टर डॉ. सर्वेश्वर नरेंद्र भुरे ल सौंप दिस। जेमा एक, दो अउ पांच रुपया के सिक्का के साथ कुल मिलाके 3001 रुपए मुख्यमंत्री सहायता कोष म दान दिस। कलेक्टर डॉ भुरे ह नानकुन अन्वेशा देवांगन के योगदान के प्रशंसा करत ओला प्रमाणपत्र अउ सेनेटाइजर देके सम्मानित करिस शाबाशी दीस अउ कहिन कि छोटे उम्र म बड़े काम करे हस। अन्वेशा के ददा श्री राजेश देवांगन ह बताइन कि अखबार अउ न्यूज चैनल के माध्यम ले ये नोनी ल जब पता चलिस कि हमर देश म कोरोना नामक महामारी फैल चुके हे अउ ये मुसीबत में सब्बो झन अपन जांगर भर आर्थिक रूप ले सरकार के मदद करत हें, जेला देख बेटी ल गलो नई रहे गिस अउ अपन ददा राजेश देवांगन अउ अपन वार्ड पार्षद श्रीनिवास सिंह ल मुख्यमंत्री सहायता कोष म मदद करे के बात कहीस श्री देवांगन ह बताइन कि अन्वेशा पिछले 2 साल ले गुल्लक म पैसा जमा करत रहिस।
मुंगेली ले गुरतुर गोठ बर दिलीप बसंत
