अपील : मास्क पहिनई ल अपन जिनगी के आदत बना लेंवय – कलेक्टर भीड़ म जाए ले बाचैं

राजनांदगांव 18 अप्रैल 2021 इतवार। कलेक्टर श्री टोपेश्वर वर्मा ह सबो नागरिक मन ले अपील करे हवय कि भीड़ म जाए ले बाचें। कोविड-19 ले सुरक्षा बर ये सुनिश्चित करयं कि एकेच जगा म सब्जी, फल अउ आने सामग्री झन खरीदे बर परै। एकर बर लॉकडाउन के दौरान सबो होम डिलिवरी या ठेला वाले मन ले मदद लेके सब्जी खरीदैं। बहुते आवश्यक होवय तभेच घर ले बाहिर निकलैं। कोरोना ल हरोए बर कोरोना प्रोटोकॉल के पालन करैं। मास्क अभीन हमर जीवन के सुरक्षा बर बहुतेच जरूरी हे। आवव मास्क पहिनई ल अपन जिनगी के आदत बना लेवन । ये समे देश, प्रदेश अउ समाज बर फर्ज निभाए के हवय। अपन परिवार ल सुरक्षित रखे बर कोरोना ले बचाव के नियम मन के पालन करैं। साबुन से घेरी-बेरी हाथ धोवयं, सेनेटाइजर के उपयोग करैं अउ दू गज के दू​रिया के नियम मन के पालन करैं।