एपीएल अपोलो इंडस्ट्रीज ह छत्तीसगढ़ म 1200 करोड़ के निवेश के दीस प्रस्ताव, 100 बिस्तर के चैरिटी अस्पताल घलोक बनाही कंपनी

रायपुर, एपीएल अपोलो इंडस्ट्रीज ग्रुप के चेयरमैन श्री संजय गुप्ता ह अपन टीम के संग आज नई दिल्ली म छत्तीसगढ़ के मुख्यमंत्री श्री विष्णुदेव साय ले मुलाक़ात करिन। मुलाक़ात के समय कंपनी ह राज्य म लगभग ₹1200 करोड़ के औद्योगिक निवेश के बड़का प्रस्ताव सरकार के आगू रखिन।
कंपनी ह मुख्यमंत्री ल जानकारी दीस के वो छत्तीसगढ़ म उत्पादन क्षमता बढ़ाय अऊ नवा औद्योगिक संयंत्र मन के स्थापना उपर गंभीरता ले काम करत हे। निवेश प्रस्ताव राज्य के नवा औद्योगिक नीति अऊ तेज़ी ले विकसित होत औद्योगिक बुनियादी ढांचा ल देखत पेश करे हे।
बैठक म एक महत्वपूर्ण सामाजिक पहल के घोषणा घलोक करे गीस। एपीएल अपोलो ग्रुप ह बताइस के वो छत्तीसगढ़ म 100 बिस्तर के एक आधुनिक चैरिटी अस्पताल घलोक जल्दी शुरू करही, जेखर से आम जनता ल किफ़ायती अऊ गुणवत्तापूर्ण स्वास्थ्य सुविधा मिल सकही।