धमतरी, 19 फरवरी 2020। आदिवासी विकास विभाग कोति ले संचालित एकलव्य आदर्श आवासीय विद्यालय पथर्रीडीह म शिक्षा सत्र 2020-21 म अतिथि शिक्षक के नियुक्ति करे जाना हे। एखर बर जिला के 21 ले 35 साल तक के आयु वर्ग के स्नातक टी.जी.टी. स्तर के इच्छुक अभ्यर्थि मन ले अवइया 29 फरवरी तक आवेदन मंगाए गए हे। आवेदन पंजीकृत डाक ले सहायक आयुक्त, आदिवासी विकास विभाग धमतरी ल प्रस्तुत करना होही। एमा साफ तौर म कहे गए हे कि तय तारीक के बाद मिलइया आवेदन मन म विचार नइ करे जाय। सहायक आयुक्त आदिवासी विकास विभाग अउर सचिव जिला स्तरीय आदिम जाति कल्याण आवासीय आश्रम शैक्षणिक संस्थान ले मिले जानकारी के मुताबिक शिक्षक ल प्रति कालखण्ड 150 रूपिया मानदेय देय होही अउर ओ मन ल नियुक्ति के दिन ले शैक्षणिक सत्र समाप्ति तक शैक्षणिक काम कराना अनिवार्य हे।
हम आप ल बता देवन के हिन्दी, अंगरेजी, गणित विसय के दू-दू अऊ विज्ञान, सामाजिक विज्ञान, संगीत, कला/क्रॉफ्ट शिक्षक के एक-एक अतिथि शिक्षक के भर्ती करे जाना हे। ए पद मन बर आवेदक के शैक्षणिक योग्यता 50 प्रतिशत अंक के संग संबंधित विसय म स्नातक, आन वांछनीय योग्यता अउर बी.एड. के उपाधि होना चाही। अइसनहे शारीरिक शिक्षक के दू अतिथि शिक्षक के भर्ती करे जाही, जेखर बर शैक्षणिक योग्यता मान्यता प्राप्त विश्व विद्यालय ले कम से कम 50 प्रतिशत अंक के संग शारीरिक शिक्षा म स्नातक उपाधि जरूरी हे।
