रेडियोलॉजिस्ट के होए ले मरीज मन के बीमारी मन के सही समय म अऊ सटीक निदान हो सकही
रायपुर, 20 जुलाई 2024। मुख्यमंत्री श्री विष्णुदेव साय के पहल अऊ उपमुख्यमंत्री श्री विजय शर्मा के अथक प्रयास ले कबीरधाम जिला चिकित्सालय म रेडियोलॉजिस्ट के नियुक्ति करे गए हे। स्वास्थ्य विभाग कोति ले कबीरधाम जिला अस्पताल बर रेडियोलॉजिस्ट डॉ. वी. गोपाला कृष्णा ल एनएचएम (संविदा) के पद म शर्त के अधीन नियुक्ति प्रदान करे गए हे। ए सबंध म आदेश घलोक जारी कर देहे गए हे। जिला चिकित्सालय म रेडियोलॉजिस्ट के नियुक्ति ले अब मरीज मन ल भटकना नइ परय। उपमुख्यमंत्री श्री शर्मा ह कबीरधाम जिला चिकित्सालय म स्वास्थ्य सुविधा के विस्तार अऊ विशेषज्ञ चिकित्सक मन के पदस्थापना बर मुख्यमंत्री श्री विष्णुदेव साय अऊ स्वास्थ्य मंत्री श्री श्यामबिहारी जायसवाल ले विशेष अनुरोध करे रहिन।
जिला चिकित्सालय म रेडियालॉजिस्ट के नियुक्ति ले सुविधा मन म विस्तार होही। रेडियोलॉजिस्ट के होए ले मरीज मन के बीमारी मन के सही समय म अऊ सटीक निदान हो सकही। एखर से उपचार के प्रक्रिया म सुधार होही। स्थानीय स्तर म रेडियोलॉजिस्ट के उपलब्धता ले मरीज मन ल बड़े शहर म जाय के जरूरत नइ होही, जेखर से समय अऊ पइसा के बचत होही। आपातकालीन स्थिति म रेडियोलॉजिस्ट के उपस्थिति ले तुरंत जांच अऊ उपचार संभव होही, जेखर से मरीज के जान बचाए जा सकही। रेडियोलॉजिस्ट के विशेषज्ञता ले जटिल मामला म घलोक सही निदान अऊ उपचार के योजना बनाय जा सकत हे। रेडियोलॉजिस्ट के माध्यम ले रोग के पहिचान तेजी ले होथे, जेखर से इलाज जल्दी शुरू करे जा सकथे। ए सबो लाभ के सेती जिला अस्पताल म रेडियोलॉजिस्ट के भर्ती ले स्वास्थ्य सेवा मन के गुणवत्ता म महत्वपूर्ण सुधार होही।
