विधानसभा अध्यक्ष, मुख्यमंत्री, मंत्रीगण अऊ विधायक व्याख्यान कार्यक्रम म संघरिन
रायपुर, राष्ट्रपिता महात्मा गांधी के 150वीं जयंती के अवसर म छत्तीसगढ़ विधानसभा म दू दिन के विशेष सत्र के दूसर दिन विधानसभा अध्यक्ष डॉ. चरणदास महंत, मुख्यमंत्री श्री भूपेश बघेल अऊ संसदीय कार्य मंत्री श्री रवीन्द्र चौबे, संग विधानसभा के सदस्य गांधी जी के व्यक्तित्व अऊ कृतित्व उपर आधारित व्याख्यानमाला कार्यक्रम म सामिल होइन। व्याख्यानमाला कार्यक्रम विधानसभा परिसर स्थित डॉ. श्यामा प्रसाद मुखर्जी प्रेक्षागृह म आयोजित रहिस। दिल्ली विश्वविद्यालय के प्रसिद्ध विचारक अऊ प्रोफेसर डॉ. अपूर्वानंद ह व्याख्यानमाला म राष्ट्रपिता महात्मा गांधी के सिद्धांत, विचार अऊ ऊंखर दर्शन के प्रासंगिकता उपर प्रकाश डालिन। उमन गांधी जी के विचार अऊ दर्शन ल आत्मसात करके जीवन ल सम्मानपूर्वक जीए अऊ राष्ट्र सेवा के प्रति गांधी जी के संकल्पना मन के संबंध म विस्तार ले जानकारी दीन।
