बिलासपुर, शा. उ. मा. विद्यालय एरमसाही म पढ़ईया लईका मन ह माटी ले बने नाना प्रकार के सामान अऊ सजौटी सुग्घर जिनिस, पर्यावरण संबंधी, जन जागरूकता संबंधी, विज्ञान संबंधी प्रोजेक्ट के अउ थर्मोकोल ले बने कई ठन प्रकार के सजौटी अऊ विज्ञान आधारित वस्तु मन के आज प्रदर्शनी लगाईन।
संस्था के प्राचार्य आई. पी. सोनवानी के निर्देशन म व्याख्याता रामेश्वर गुप्ता के कुशल मार्गदर्शन म कक्षा 9 वीं अऊ 10 वीं के सबो पढ़ईया लईका मन ह ए प्रदर्शनी म हिस्सा लीन। लइका मन के सर्वांगीण विकास बर संस्था के संग पूरा साल भर ए प्रकार के विविध आयोजन सरलग करे गीस। आज के कार्यक्रम म संस्था के व्याख्याता नरेन्द्र सिंह, रामेश्वर गुप्ता, गौरीशंकर चंद्राकर, लक्ष्मीकांत साहू, राजेंद्र यादव, सहेत्तर बंजारे, रोशन कुर्रे, अनिता भारती, सोनाली वर्मा, कुलदीप केरकेट्टा, रामकुमार टंडन, टेकराम साहू,सतरूपा साहू, आर आर दानिकर, जयप्रकाश राज, संतोषी यादव ह अपन सहयोग दीन।
