अरपा महोत्सव ले गौरेला-पेण्ड्रा-मरवाही ल मिलही नवा पहिचान: मुख्यमंत्री श्री भूपेश बघेल

गौरेला-पेण्ड्रा-मरवाही, 10 फरवरी 2021। मुख्यमंत्री श्री भूपेश बघेल ह कहिन कि अरपा महोत्सव ले गौरेला-पेण्ड्रा-मरवाही जिला के नवा पहिचान बनही। उमन कहिन कि ये महोत्सव के नींव जऊन खूबसूरती के संग रखे गए हे, ओखर से अवइया समय म एखर स्वरूप म विस्तार होही अऊ भव्यता आही।
श्री बघेल आज गौरेला-पेण्ड्रा-मरवाही जिला के स्थापना के पहिली वर्षगांठ के अवसर म आयोजित अरपा महोत्सव ल सम्बोधित करत रहिन। उमन ये मौके म डॉ. भंवरसिंह पोर्ते के स्मृति म स्थापित महाविद्यालय अऊ स्कूल म प्रतिमा लगाए के घोषणा करिन।
मुख्यमंत्री श्री बघेल ह ये बेरा म जिला वासी मन ल 20 करोड़ रूपिया ले जादा के विकास काम मन के लोकार्पण अऊ शिलान्यास करके जिला ल विकास काम मन के सौगात घलोक दीन।
मुख्यमंत्री ह पेन्ड्रा म आयोजित दू दिवसीय अरपा महोत्सव के समापन समारोह ल संबोधित करत कहिन कि गौरेला-पेण्ड्रा-मरवाही ल छत्तीसगढ़ बनतेच जिला बन जाना रहिस फेर एखर उपेक्षा करे गीस। राज्य म नवा सरकार के बनतेच साल 2020 म क्षेत्र के मनखे मन के नवा जिला के सपना पूरा होइस। उमन कहिन कि जिला बनतेच ये क्षेत्र के विकास ल गति मिलीस। ये जिला ल पूरा ताकत ले विकसित करबोन। संगेच जिला ल पर्यटन जिला के रूप म घलोक विकसित करे के कोसिस करे जाही। ये बेरा म विधानसभा अध्यक्ष डॉ. चरण दास महंत, राजस्व अऊ गौरेला-पेण्ड्रा-मरवाही जिला के प्रभारी मंत्री श्री जयसिंह अग्रवाल, संसदीय सचिव श्रीमती रश्मि आशीष सिंह, विधायक सर्व श्री डॉ. के.के.ध्रुव, श्री शैलेष पाण्डेय अऊ श्री मोहित केरकेट्टा, मुख्यमंत्री के सलाहकार श्री प्रदीप शर्मा संग पंचायती राज अऊ नगरीय संस्था मन के जनप्रतिनिधि अऊ बड़ संख्या म आम नागरिक उपस्थित रहिन।
ये बेरा म जिला पंचायत बिलासपुर अध्यक्ष श्री अरुण सिंह चौहान, उपाध्यक्ष श्रीमती हेमकुंवर श्याम, नगर पंचायत पेंड्रा अध्यक्ष श्री राकेश जालान, नगर पंचायत अध्यक्ष गौरेला श्रीमती गंगोत्री राठौर, जनपद पंचायत अध्यक्ष पेंड्रा श्रीमती आशा मरावी, जनपद पंचायत अध्यक्ष गौरेला सुश्री ममता पैकरा, कमिश्नर बिलासपुर डॉ. संजय अलंग, पुलिस महनिरीक्षक बिलासपुर श्री रतनलाल डांगी, गौरेला-पेंड्रा-मरवाही के पुलिस अधीक्षक श्री सूरज सिंह परिहार संग बहुत अकन जनप्रतिनिधि, बड़ संख्या म नागरिक उपस्थित रहिन।