छत्तीसगढ़ मॉडल के देश भर म मचे हे सोर: मुख्यमंत्री श्री भूपेश बघेल

रायपुर, बिलासपुर म 357 करोड़ रूपिया के विकास कार्य के लोकार्पण भूमिपूजन के बेरा म मुख्‍यमंत्री ह कहिन के अरपा नदी ल स्वच्छ बनाए के हरसंभव प्रयास होही। बिलासपुर ले रात म घलोक हवाई उड़ान बर प्रयास करे जाही। मुख्यमंत्री श्री भूपेश बघेल ह अपन बिलासपुर दौरा के बेरा म कहिन कि अरपा बिलासपुर के जीवनदायिनी नदी ये। राजगीत के पहिली आखर घलोक अरपा ले शुरू होथे। एला बचाय बर सबो मनखे अऊ संस्थाद मन के संग राज्य सरकार घलोक चिंतित हे।
मुख्यमंत्री श्री भूपेश बघेल ह कहिन कि नदी के जल ल शुद्व रखे अऊ एखर सौंदर्यीकरण बर राज्य सरकार कोति ले हरसंभव प्रयास करे जाही। धन के कमी आड़े नइ आवय। श्री बघेल बिलासपुर के शास्त्री स्कूल मैदान म आयोजित कार्यक्रम ल सम्बोधित करत ये बाते कहिन। एखर से पहिली उमन बिलासपुर जिला म 353 करोड़ ले जादा के लागत वाले 97 विकास अऊ निर्माण काम मन के लोकार्पण अऊ भूमिपूजन करिन।