नवरिया बहु अर्चना पांडेय ह लगाईस फांसी: पुलिस करत हे जांच

बिलासपुर, सकरी कोति के सागर गांव म नवरिया बहु ह अपन घर म फांसी लगाके आत्महत्या कर लेहे हे। ये बीच परिवार वाले मन ह एखर जानकारी अर्चना के मइयके वाले मन ल तो दीन फेर पुलिस ल ये संबंध म सूचना नइ दीन। अर्चना के मइके वाले मन के सूचना म पुलिस ह मामला दर्ज करके लास के पोस्टमार्टम कराए हे। पुलिस ह पूछताछ करके घटना के संबंध म जानकारी लेवत हे।
जानबा हे के सकरी के सागर गांव म रहइया अर्चना पांडेय ह अपन घर म फांसी लगाके आत्महत्या कर लीस। परिवार वाले मन के बताती ये बेरा म वोखर पति धनंजय पांडेय समेत परिवार के आन सदस्य देवारी के खरीदारी बर बाजार गए रहिन। बाजार ले वापस लहुटे म ओ मन ल ए बात के जानकारी होइस। परिवार वाले मन ह लास ल फंदा ले उतारिन। एखर बाद मइयके वाले मन ल एखर जानकारी दीन। वोकर मइके वाले मन ह आके अपन बेटी के मौत के संबंध म जानकारी लीन अऊ पुलिस ल सूचना दे दीन। अभी अर्चना पांडेय के मौत के बारे म परखर पता नइ चले हे।