मुख्यमंत्री ह ग्राम पंड्रापाथ तहसील सन्ना ल दीन बड़का सौगात

तीरंदाजी अकादमी बर 20 करोड़ 53 लाख के दीन स्वीकृति
विशेष पिछड़ी जनजाति पहाड़ी कोरवा अऊ आन लइका मन ल घलोक मिलही लाभ
रायपुर, मुख्यमंत्री श्री विष्णु देव साय ह ग्राम पंड्रापाथ, विकास खंड बगीचा, तहसील सन्ना म आरचेरी अकादमी बनाए बर 20 करोड़ 53 लाख के प्रशासकीय स्वीकृति देहे हें। एन टी पी सी ह अपन कोति ले एस आर फंड ले ये राशि उपलब्ध कराए हे। मुख्यमंत्री ह कहिन खिलाड़ी मन के खेल प्रतिभा ल आगू बढ़ाए अऊ खिलाड़ी मन ल प्रोत्साहित करे बर विशेष प्रयास करे जात हे। ग्राम पंड्रापाथ के आरचेरी अकादमी लगभग 10.27 एकड़ म विकसित करे जाही, जेमां तीरंदाजी केन्द्र म अभ्यास बर एक खेल मैदान, छोटे पुस्तकालय, मेडिकल के सुविधा, लइका मन के कौशल विकास प्रशिक्षण केन्द्र, छोट नर्सरी अऊ हर्बल चाय के खेती के घलोक सुविधा उपलब्ध कराए जाही। तीरंदाजी अकादमी म दूरस्थ अंचल मन के विशेष पिछड़ी जनजाति पहाड़ी कोरवा लइका मन अऊ आन आदिवासी लइका मन ल खेल अभ्यास कराए जाही ताकि लइका अपन प्रतिभा राज्य ले लेके अंतर्राष्ट्रीय स्तर म दिखा सकंय।
जानबा हे के आरचेरी अकादमी बनाए बर गांव पंड्रापाथ, तहसील-सन्ना, उप-मंडल-बगीचा, जिला-जशपुर (छत्तीसगढ़) म लगभग 10.27 एकड़ (41565 वर्ग मीटर-लगभग) के जरूरी क्षेत्रफल के राज्य सरकार के मालिकाना वाले जमीन के चिन्हारी करे गए हे। मुख्यमंत्री श्री विष्णु देव साय खिलाड़ी मन ल प्रोत्साहित करत हें, इही कड़ी म ऊंखर आग्रह म तीरंदाजी अकादमी के स्थापना करे बर एनटीपीसी ह  20.53 करोड़ के वित्तीय सहायता देहे के प्रशासकीय स्वीकृति देहे हे। स्वीकृत लागत अनुमान के मुताबिक समयबद्ध तरीका ले काम के निष्पादन बर उपयुक्त राज्य सरकारी एजेंसी नियुक्त करे आग्रह करे गए हे।
आरचेरी एक खेल अऊ कला हे जेमां धनुष अऊ बाण के उपयोग करके लक्ष्य म निशाना लगाए लाथे। ये एक प्राचीन गतिविधि हे।