धमतरी, प्रदेश सरकार के कई ठन महत्वाकांक्षी योजना मन के पहुंच समाज के आखरी छोर तक पहुंचाए बर जनसम्पर्क संचालनालय के सहयोग से कला जत्था के माध्यम से उदीम करे जात हे। इही कड़ी म जिला के सबो विकासखण्ड मन म कला जत्था ह रोचक प्रस्तुति दीस। कलेक्टर श्री पी.एस. एल्मा के हुकुम के मुताबिक नगरी विकासखण्ड के ग्राम केरेगांव म बाजार स्थल म माटी के सिंगार लोक कलामंच चारामा के कलाकार मन आकर्षक प्रस्तुति दीन। एखर अलावा एए दल ह ग्राम भोथापारा अऊ अमलीपारा म राज्य शासन के कई ठन योजना मन उपर आधारित प्रचार पत्रक के निःशुल्क वितरण घलोक करिन। एही कड़ी म धमतरी विकासखण्ड के ग्राम नवागांव (कण्डेल), ग्राम झिरिया अऊ सारंगपुरी म ज्योति कलश सेवा संस्था धमतरी, कुरूद विकासखण्ड के ग्राम चटौद, कोंडापार अऊ कोड़ेबोड़ म आज जनहित चिंतक सेवा संस्थान धमतरी के कला जत्था मन ह मनोरंजक ढंग ले कार्यक्रम प्रस्तुत करिन, जेखर गांव वाले मन ह मजा लीन।
इतवार के नगरी विकासखण्ड के ग्राम सियारीनाला, बाजार कुर्रीडीह अऊ सलोनी म, कुरूद विकासखण्ड के ग्राम मरौद, नवागांव (थूहा) अऊ कोलियारी म अउ धमतरी विकासखण्ड के ग्राम पीपरछेड़ी (दे.), देमार अऊ डोमा म कला जत्था दल के नर्तक अऊ कलाकार मन शासन के योजनाओं के प्रचार-प्रसार रोचक ढंग ले करहीं।
शासन के योजना मन ल गांव मन म कला जत्था के संग पहुंचाए जात हे
