संस्कृति मंत्री श्री भगत ले राज्य मन ले आए कलाकार मन ह करिन मुलाकात

रायपुर, संस्कृति मंत्री श्री अमरजीत ले आज राष्ट्रीय आदिवासी नृत्य महोत्सव म आए असम संग कई राज्य के कलाकार मन ह मुलाकात करिन। श्री भगत ह जनजातीय कलाकार मन ले आत्मीयता ले बातचीत करिन। चर्चा म कलाकार मन ह कहिन कि छत्तीसगढ़ आके ओ मन ल बहुत अच्छा लगे हे। जब मौका लगही त ओ मन फेर छत्तीसगढ़ आहीं। कलाकार मन ह राष्ट्रीय आदिवासी नृत्य महोत्सव के आयोजन ल सराहनीय बताइन अऊ कहिन कि एखर से आदिवासी कलाकार मन ल राष्ट्रीय स्तर म अपन प्रतिभा के प्रदर्शन करे के मौका मिले हे। एक दूसर के संस्कृति अऊ परम्परा ल जाने समझे अऊ देखे के अवसर मिले हे। कलाकार मन ह आयोजन म कलाकार मन बर के अच्छा व्यवस्था बर राज्य सरकार के प्रति आभार व्यक्त करिन।