छत्तीसगढ़ी संस्कृति ले विदेशी छात्र मन के प्रभावित होना गौरव के क्षण: शिक्षा मंत्री श्री बृजमोहन अग्रवाल

रायपुर 07 फरवरी 2024। शिक्षा मंत्री श्री बृजमोहन अग्रवाल ले साउथ कोरियन छात्र मन के प्रतिनिधिमण्डल ह सौजन्य मुलाकात करिस। ए मुलाकात के समय पर्यावरण, मानवाधिकार अऊ जन कल्याण जइसे मुद्दा म सार्थक चर्चा होइस। श्री अग्रवाल ह कहिन कि विदेशी छात्र मन के छत्तीसगढ़ी संस्कृति ले प्रभावित होना हमार बर गौरव के क्षण हे। उमन छात्र मन के उज्ज्वल भविष्य के कामना करिन।
ASEZ साउथ कोरिया छात्र मन ले मुलाकात के समय शिक्षा मंत्री श्री अग्रवाल ह कहिन कि आज के समय म पर्यावरण संबंधित समस्या सबले महत्वपूर्ण मुद्दा मन म ले एक हे। जलवायु बदलाव, प्रदूषण अऊ प्राकृतिक संसाधन मन के कमी जइसे समस्या मन ले निपटे बर हम सब ल मिलके प्रयास करना होही। शिक्षण संस्थान मन म पर्यावरण जागरूकता उपर जोर देके हम छात्र मन ल पर्यावरण के महत्व के बारे म शिक्षित कर सकत हन। ए संस्थान मन म वृक्षारोपण अभियान, स्वच्छता अभियान जइसन कार्यक्रम मन के आयोजन होना चाही। पर्यावरण के अनुकूल बुनियादी ढांचा जइसे कि सौर ऊर्जा के उपयोग, जल संरक्षण अऊ अपशिष्ट प्रबंधन म हमला विशेष ध्यान देना होही।
जानबा हे कि ASEZ विश्वविद्यालय के छात्र स्वयंसेवक मन के एक वैश्विक संगठन हे। जेन दुनियाभर म ‘‘सेव द अर्थ‘‘ मुहिम चलाथे। एखर तहत पर्यावरण संरक्षण के कई ठन मुद्दा म जनजागरूकता के कार्यक्रम के आयोजन करे जात हे। ये दल बीते दू हफ्ता ले छत्तीसगढ़ के भ्रमण म हे। ए दौरान छात्र मन के ए दल ह छत्तीसगढ़ी संस्कृति अऊ खान-पान के प्रशंसा करिन। प्रतिनिधि मंडल म साउथ कोरिया के श्री चार्ली, श्री केविन, श्री लुक, एरिक सामिल रहिन।